ខ្សែប្រយុទ្ធ Cristiano Ronaldo បានធ្វើតេស្ដរកឃើញថាឆ្លងមេរោគ Covid-19 កាលពីយប់មិញនេះ និងកំពុងដាក់នៅដោយឡែកដើម្បីព្យាបាល។
ដោយសារតែមានមេរោគ ប៉ុន្តែមិនមានរោគសញ្ញាគួរឱ្យបារម្ភនោះ Ronaldo មិនតម្រូវឱ្យពាក់ម៉ាស់ដែលនៅម្នាក់ឯងនោះទេ។ មួយវិញទៀត រូបគេក៏បានចេញមកអង្គុយមើលមិត្តរួមក្រុមហ្វឹកហាត់ជាធម្មតាផងដែរ កាលពីព្រឹកមិញនេះ។ ខណៈដែលសមាជិកទាំងអស់ក្នុងក្រុមជម្រើសជាតិព័រទុយហ្កាល់ ត្រូវបានធ្វើតេស្ដនិងលទ្ធផលចេញមក អវិជ្ជមានទាំងអស់គ្នា។
រំលឹកថា Ronaldo បានចូលលេងពេញម៉ោងតែម្ដង ពេលក្រុមជម្រើសជាតិលេងទល់ក្រុមបារាំងកាលពីពេលកន្លងទៅ។ តែលទ្ធផលធ្វើតេស្ដនៅក្រុមបារាំងវិញ ក៏ចេញមកថាគ្មានកីឡាករឆ្លងមេរោគផងដែរ។ គេមិនទាន់ដឹងទេថា Ronaldo បានឆ្លងមេរោគពីកន្លែងណាមក៕
ប្រភព៖ DailyMail