ក្រុមបាល់ទាត់ជម្រើសជាតិអេស្ប៉ាញ បានបរាជ័យជាលើកដំបូងក្នុងរយៈពេល២ឆ្នាំចុងក្រោយនេះ ក្រោមថ្វីជើងរបស់ក្រុមអ៊ុយក្រែនក្នុងលទ្ធផល ១-០។
អេស្ប៉ាញជាក្រុមខ្លាំងមួយនៅអឺរ៉ុប ហើយការប្រកួតរបស់គេជិត២ឆ្នាំចុងក្រោយនេះមិនដែលស្គាល់បរាជ័យនោះទេ។ តែគួរឱ្យសោកស្ដាយ នៅយប់មិញនេះ ពួកគេបានស្គាល់បរាជ័យលើកដំបូងហើយ ដោយចាញ់ក្រុមអ៊ុយក្រែន ក្នុងលទ្ធផល ១-០។ ១គ្រាប់ជ័យជម្នះរបស់ក្រុមអ៊ុយក្រែននេះធ្វើបានសម្រេចដោយ Viktor Tsygankov ។
តែបើទោះជាបរាជ័យបាត់៣ពិន្ទុនេះមែន ប៉ុន្តែអេស្ប៉ាញនៅតែរក្សាតំណែងកំពូលតារាងដដែល ដោយមាន៧ពិន្ទុ ខណៈដែលក្រុមលេខ២វិញ គឺក្រុមអាល្លឺម៉ង់ដែលលេងស្មើក្រុមស្វីស ៣-៣ នៅយប់មិញនេះ៕
ប្រភព៖ DailyMail