នៅថ្ងៃទី ១៣ តុលា ឆ្នាំ ២០២០ សហព័ន្ធបាល់ទាត់ព័រទុយហ្គាល់បានប្រកាសនូវដំណឹងច្បាស់ការមួយថា Cristiano Ronaldo បានតេស្តឃើញផ្ទុកជំងឺ COVID-19 ហើយបើបច្ចុប្បន្នមិនឃើញមានរោគសញ្ញាគួរឲ្យបារម្ភណាមួយក្តី ប៉ុន្តែចាំបាច់តម្រូវឲ្យស្ថិតនៅដាច់ដោយឡែកពីគេសិន។
តាមពេលវេលាជាក់ស្តែងដែលកីឡាករមួយចំនួនធំកន្លងមក អាចជាសះស្បើយពីជំងឺរាតត្បាតមួយនេះ គឺទាមទារពេលវេលាយ៉ាងហោចណាស់ ១០ ទៅ ១៥ ថ្ងៃ ឬអាចយូរជាងនោះ។ ជាក់ស្តែងដូចករណីរបស់ Zlatan ដែលឆ្លងនៅថ្ងៃទី ២៤ កញ្ញា បានជាសះស្បើយនៅថ្ងៃទី ៩ តុលាដែលប្រើពេល ១៥ ថ្ងៃ ស្របពេលដែល Dybala ឆ្លងថ្ងៃទី ២១ មិនា ជាសះស្បើយនៅថ្ងៃទី ៦ ឧសភា ប្រើពេលច្រើនជាង ១ ខែទៅទៀត រីឯករណី Mane ដែលឆ្លងនៅថ្ងៃទី ២ តុលា មកទល់រយៈពេល ១១ ថ្ងៃទើបតេស្តឃើញលទ្ធផលអវិជ្ជមាន។
តាមភាគរយខ្ពស់ដែលគេព្យាករណ៍ទុកជាមុន CR7 ទំនងជានឹងខកខានការប្រកួតចំនួន ៥ ប្រកួត រាប់ទាំងការលេងឲ្យក្រុមជម្រើសជាតិនៅថ្ងៃខាងមុខ។ ក្នុងនោះមានដូចជា៖
- ព័រទុយហ្គាល់ ប៉ះស៊ុយអែត ថ្ងៃទី ១៥ តុលា (ខកខាន ១០០ ភាគរយ បញ្ជាក់ពីសហព័ន្ធបាល់ទាត់ព័រទុយហ្គាល់)
- Juventus ប៉ះ Crotone នៅ Serie A ថ្ងៃទី ១៨ តុលា
- Juventus ប៉ះ Dynamo Kyiy នៅ UCL ថ្ងៃទី ២០ តុលា
- Juventus ប៉ះ Verona នៅ Serie A ថ្ងៃទី ២៦ តុលា
- Juventus ប៉ះ Barcelona នៅ UCL ថ្ងៃទី ២៩ តុលា៕