Rodrygo វ័យ១៩ឆ្នាំបានអះអាងថារូបគេមិនចង់ក្លាយជា Neymar ថ្មីនោះទេ ដោយចង់ក្លាយខ្លួនជាខ្លួនឯង បង្កើតកំណត់ត្រាខ្លួនឯងផ្ទាល់តែម្ដង។
កីឡាករលេងនៅក្លឹបអាជីព Real Madrid ខាងលើនេះ បានក្លាយជាកីឡាករលេចធ្លោម្នាក់ក្នុងក្រុមជម្រើសជាតិប្រេស៊ីល នាពេលបច្ចុប្បន្ននេះ។ អ្នកវិភាគជាច្រើនបានមើលឃើញថាអនាគតរបស់ Rodrygo គឺអាចជាអ្នកស្នងតំណែងរបស់ Neymar ហើយ។
តែសម្រាប់សាមីខ្លួនវិញ បានយល់ឃើញថា៖ “តាំងពីខ្ញុំចាប់អាជីពមក ជាមួយក្រុម Santos ពួកគេបានប្រៀបខ្ញុំជា Neymar ថ្មីទៅហើយ និង Robinho ។ ខ្ញុំតែងតែមានសម្ពាធមួយនៅពីលើនេះ។ ខ្ញុំតែងតែនិយាយថាខ្ញុំចង់ក្លាយជា Rodrygo និងបង្កើតប្រវត្តិសាស្ត្រដោយខ្លួនឯង ឈ្មោះខ្លួនឯង។ Neymar ជា Idol របស់កីឡាករក្មេងៗគ្រប់គ្នានៅប្រេស៊ីល ប៉ុន្តែខ្ញុំចង់ក្លាយជាខ្លួនឯង”៕
ប្រភព៖ Goal