លោក Jose Mourinho អ្នកចាត់ការក្រុម Spurs កំពុងបារម្ភខ្លាចក្រុមជម្រើសជាតិអង់គ្លេស ដាក់ខ្សែប្រយុទ្ធ Harry Kane លេងទាំងរបួស ពេលប៉ះដាណឺម៉ាកយប់នេះ។
ក្រុមអង់គ្លេស នឹងធ្វើការប្រកួតទល់ក្រុមដាណឺម៉ាកនៅរាត្រីនេះ សម្រាប់ការប្រកួតពានរង្វាន់ UEFA Nations League ។ ដោយឡែកសម្រាប់ការប្រកួតនេះ លោក Jose Mourinho ហាក់ដូចជាបារម្ភចំពោះកូនក្រុមរបស់ខ្លួន ជាពិសេសរបួសរបស់ Kane តែម្ដង។ លោកខ្លាចក្រុមជម្រើសជាតិអង់គ្លេស ដាក់រូបគេឱ្យលេងទាំងកំពុងមានបញ្ហារបួសសាច់ដុំភ្លៅ។
កាលពីពេលកន្លងទៅ លោក Jose ក៏បានស្នើសុំលោក Southgate គ្រូបង្វឹកអង់គ្លេសឱ្យមើលថែកីឡាករ Spurs ផង ព្រោះកន្លងមក ឱ្យតែទៅលេងនៅជម្រើសជាតិ ភាគច្រើនត្រលប់ចូលក្លឹបវិញជាមួយបញ្ហារបួសជាក់ជាមិនខាន។ ដូចករណី Kane ខាងលើអីចឹង ប្រសិនបើនៅរាត្រីនេះខ្សែប្រយុទ្ធរូបនេះចូលលេងទាំងរបួស នោះអាចនឹងមានបញ្ហាធំនៅពេលត្រលប់មកក្លឹបវិញ៕ប្រភព Dailymail
