លោក Arsene Wenger អតីតអ្នកចាត់ការក្រុម Arsenal បានបញ្ជាក់ថាការប្រកួតពានរង្វាន់ World Cup និង Euro គួរតែលេង២ឆ្នាំម្ដង ជាជាងការលេង៤ឆ្នាំម្ដង។
Wenger ក្រោយពីចាកចេញពីតំណែងអ្នកចាត់ការក្រុមកាំភ្លើងធំមក បច្ចុប្បន្ននេះលោកមានតួនាទីជា FIFA’s Chief of Global Football Development។ កន្លែងនេះ លោកបានឃើញយ៉ាងច្បាស់ពីសន្ទុះនៃការរីកចម្រើនវិស័យបាល់ទាត់ទាំងផ្នែកបុរសនិងនារីជុំវិញពិភពលោកតែម្ដង។ ការមើលឃើញនេះហើយ ទើបលោកបានផ្ដល់យោបល់ថាការប្រកួត World Cup និង Euro គួរតែប្ដូរទម្រង់ចេញទៅ។
លោកបញ្ជាក់ថាការប្រកួតដែលធ្វើឡើង៤ឆ្នាំម្ដង គឺមានរយៈពេលយូរពេកសម្រាប់ជម្រើសជាតិ។ វាគួរតែប្ដូរមកលេង២ឆ្នាំម្ដង ចន្លោះគ្នាវិញទើបជាការប្រសើរ ជាងការប្រកួត៤ឆ្នាំម្ដង។ ការប្រកួត៤ឆ្នាំម្ដង ក្រុមជម្រើសជាតិមានការប្រកួតមិនផ្លូវការច្រើនពេក ដូច្នេះ២ឆ្នាំម្ដង នោះពួកគេនឹងមមាញឹកជាមួយការប្រកួតផ្លូវការវិញមិនខាន៕ប្រភព Marca