ក្លឹប Manchester United កំពុងសិក្សាពីលទ្ធភាពក្នុងការនាំយកយុវជន Eduardo Camavinga ពីក្លឹប Rennes នៅឯ Ligue 1 ដើម្បីមកជំនួសតំណែង Paul Pogba ក្រោយពីកីឡាករកាន់ឆ្នាំរូបនេះបង្ហើបពីបំណងចង់ផ្ទេរទៅចូលរួមនៅក្លឹប Real Madrid។
តាមរបាយការណ៍ពី Daily Mirror ចុះផ្សាយថា ក្លឹបបិសាចក្រហមហាក់ចាប់អារម្មណ៍លើសមត្ថភាពរបស់ Camavinga ជាខ្លាំង ជាពិសេសគឺកំឡុងពេលគេបង្ហាញខ្លួនឲ្យជម្រើសជាតិបារាំង គ្រាមានឱកាសរកគ្រាប់បាល់យកឈ្នះ ៧-១ ទៅលើអ៊ុយក្រែន។
តាមហាងឆេងតម្លៃខ្លួនរបស់យុវជនវ័យ ១៧ ឆ្នាំបច្ចុប្បន្នអាចថ្លៃប្រមាណ ៣៧,៥ លានអឺរ៉ូ។ នៅការបង្ហាញខ្លួនឲ្យក្លឹប Rennes ចំនួន ៤៩ ប្រកួត គេរកបាន ២ គ្រាប់និង Assist ៣ លើក។ បញ្ជាក់ថាក្រៅពី United តាមពិតទៅទាំងក្លឹប Real Madrid ឯណោះវិញ ក៏ចាប់ចិត្តលើ Camavinga ដូចគ្នា បែបនេះយើងនឹងអុតមើលតើស្តេចសព្រមចាយលុយយក Pogba ឬយកយុវជនរូបនេះ?
ប្រភព៖ SoccerLaduma