ក្លឹប Inter Milan កំពុងរង់ចាំឱកាសល្អក្នុងការចរចាយក Sergio Aguero នៅលក្ខខណ្ឌឥតតម្លៃខ្លួន ប្រសិនណាគេមិនទទួលបានជោគជ័យលើការបន្តកុងត្រាថ្មីជាមួយនឹងក្លឹបមេឃខៀវ Man City។
កីឡាករអាហ្សង់ទីនត្រូវផុតកុងត្រានៅបញ្ចប់រដូវកាល ២០២០/២១ នេះ ហើយលទ្ធផលត្រឹមខែមករាអាចនឹងធ្វើឲ្យយើងដឹងមុនជាបណ្តើរៗហើយ ពីអនាគតនាពេលខាងមុខរបស់គេ។
ដោយឡែកសម្រាប់កីឡាករកំពុងឈរជើង Martinez ឯណោះវិញ ក៏ត្រូវបានក្លឹប Barcelona បន្តតាមសម្លឹងឥតឈប់ដដែល ហើយគេក៏មិនទាន់បន្តកុងត្រាថ្មីជាមួយក្លឹបអ៊ីតាលីនោះដែរ។ តាមការជឿជាក់ជម្រើសទី ១ របស់ Conte ប្រសិន Martinez ត្រូវចាកចេញ គឺមានតែ Aguero នេះឯង។
បញ្ជាក់ថា ខ្សែប្រយុទ្ធចាស់វស្សារូបនេះ បានចាយពេល ១០ រដូវកាលហើយជាមួយក្លឹប Man City ក្រោយចាកចេញពីក្លឹប At Madrid នៅឆ្នាំ ២០១១។ កំឡុងការចាយពេលជាច្រើនឆ្នាំមកនេះ គេបង្ហាញខ្លួន ៣៧០ ប្រកួត រកបាន ២៥៤ គ្រាប់ ឈ្នះពាន PL ៤ លើក និង FA Cup ១ លើក៕
ប្រភព៖ AF