អតីតអ្នកចាត់ការនៅក្លឹប Bayern Munich លោក Felix Magath បាននិយាយចំៗថា ប្រព័ន្ធ Tiki-Taka ដែលបង្កើតឡើងដោយអ្នកចាត់ការលោក Pep Guardiola គឺអាចដំណើរការជោគជ័យទៅបាន លុះត្រាតែមានវត្តមានរបស់ Lionel Messi។
លោកបានលើកឧទាហរណ៍ជាក់ស្តែងដូចជានៅការប្រកួត Champions League ពេលមាន Messi នៅក្នុងក្រុមនោះ ទើបឈ្នះ ប្រសិនគ្មានទេ គឺប្រព័ន្ធ Tiki-Taka មិនអាចជួយឲ្យក្រុមឈ្នះពានអឺរ៉ុបបានឡើយ។
ប្រាប់សារព័ត៌មាន Sport Bild លោក Magath និយាយថា៖ “Messi ទេជាអ្នកឈ្នះពាន មិនមែន Guardiola ទេ ព្រោះពេលគ្មាន Messi ប្រព័ន្ធនេះ [Tiki-Taka] មិនដំណើរការជោគជ័យនោះឡើយសម្រាប់ Guardiola ព្រោះបើជោគជ័យមែន ម្ល៉ោះគាត់ឈ្នះ Champions League ជាមួយ Bayern ឬ Man City យូរណាស់មកហើយ”។
លោកបន្ថែមថា៖ “Tiki-Taka អាចដំណើរការទៅបាន លុះត្រាតែអ្នកមានកីឡាករពោរពេញដោយបច្ចេកទេសខ្ពស់ ហើយនាមជាទស្សនា បើមើលការលេងរបៀបហ្នឹងគឺធុញទ្រាន់ណាស់ ដោយក្រុមកំពូលមិនត្រូវការវាទេ ហើយតាមការយល់ឃើញរបស់ខ្ញុំ Guardiola ពេលខ្លះគាត់សម្រេចចិត្តខុស ហើយនាំឲ្យក្រុមបរាជ័យជាមួយប្រព័ន្ធនោះ”៕
ប្រភព៖ AF