ខ្សែប្រយុទ្ធវ័យក្មេង Erling Braut Haaland រកបាន៣គ្រាប់ម្នាក់ឯង ជួយក្រុមជម្រើសជាតិន័រវែសយកឈ្នះលើក្រុមរូម៉ានី ក្នុងលទ្ធផល ៤-០ ពានរង្វាន់ UEFA Nations League ។
Haaland កីឡាករវ័យ២០ឆ្នាំ បានបង្ហាញទម្រង់លេងលេចធ្លោមែនទែននៅជម្រើសជាតិន័រវែស។ នៅយប់មិញនេះ រូបគេរកបាន៣គ្រាប់ម្នាក់ឯងនៅនាទី ១៣ ៦៤ និង៧៤។ ដោយឡែក១គ្រាប់ទៀតរបស់ក្រុមន័រវែសរកបានដោយ Sorloth នៅនាទី៣៩។ ក្រុមរូម៉ានី ក្នុងការប្រកួតនេះមិនអាចតដៃជាមួយក្រុមន័រវែសបាននោះទេ។
៣គ្រាប់នៅយប់មិញនេះទៀត បានធ្វើឱ្យកីឡាករលេងនៅក្លឹបអាជីព Dortmund ខាងលើរកបាន៥១គ្រាប់ហើយក្នុងការបង្ហាញខ្លួន៤៨ប្រកួតក្នុងការប្រកួតគ្រប់កម្មវិធីទាំងអស់។ សម្រាប់ការលេងនៅជម្រើសជាតិវិញ គឺ៦ប្រកួត រកបាន៦គ្រាប់៕
ប្រភព៖ DailyMail