ក្រុមបាល់ទាត់ជម្រើសជាតិអង់គ្លេស បានយកឈ្នះលើក្រុមបែលហ្សិកបានក្នុងលទ្ធផល ២-១ ក្នុងការប្រកួតពានរង្វាន់ UEFA Nations League កាលពីយប់មិញនេះ។
ក្រុមអង់គ្លេសក្នុងការប្រកួតនៅយប់មិញនេះ មានទម្រង់លេងល្អ ប្លែកពីប្រកួតមុនៗ។ ពួកគេត្បិតតែត្រូវក្រុមបែលហ្សិកនាំមុខមុននៅដើមតង់ទី១ក៏ដោយ ក៏អាចរក្សាលំនឹងក្រុម និងព្យាយាមវាយបកវិញផងដែរ។ ជាក់ស្ដែងក្នុងការប្រកួតនេះ Lukaku រកគ្រាប់បាល់បាននៅនាទី១៦ ដោយប៉េណាល់ទី ប៉ុន្តែ Rashford ក៏រកគ្រាប់បាល់តាមស្មើវិញបាននៅនាទី ៣៩ ដោយប៉េណាល់ទីវិញដែរ។ ១គ្រាប់ជ័យជម្នះរបស់អង់គ្លេសធ្វើបានដោយ Mount នៅនាទី៦៤។
ពេលនេះក្នុង Group 2 នៃពានរង្វាន់ UEFA Nations League គឺក្រុមអង់គ្លេសឈរនៅលេខ១ មាន៧ពិន្ទុឆ្លងកាត់ការប្រកួត៣ប្រកួត។ ស្របពេលក្រុមបែលហ្សិកវិញនៅលេខ២ មាន៦ពិន្ទុប៉ុណ្ណោះ៕
ប្រភព៖ DailyMail