ខ្សែបម្រើ Luka Modric បាននិយាយច្បាស់ៗហើយថា ខ្លួនមិនទាន់គិតដល់ផ្លូវចាកចេញពីក្លឹប Real Madrid នោះទេ ត្បិតបើកុងត្រាត្រៀមនឹងបញ្ចប់នៅបញ្ចប់រដូវកាល ២០២០/២១ នេះក៏ពិតមែន។
បុរសវ័យ ៣៥ ឆ្នាំបានផ្ទេរចេញពី Spurs មកចូលរួមនៅ Real Madrid នាឆ្នាំ ២០១២ ក្នុងតម្លៃខ្លួន ៣៥ លានអឺរ៉ូ។ កំឡុងការចាយពេល ៨ ឆ្នាំ កីឡាករក្រូអាតបង្ហាញខ្លួនបាន ៣៤៧ ប្រកួត ឈ្នះពានចំនួន ១៧ ជាមួយក្លឹប។
ទន្ទឹមនឹងពេលលេងឲ្យជម្រើសជាតិថ្មីៗនេះ Modric បាននិយាយអំពីអនាគតរបស់ខ្លួនជាមួយក្លឹបបែបនេះថា៖ “វាដូចគ្នាទៅនឹងការលេងនៅជម្រើសជាតិ ដោយខ្ញុំនឹងឆ្លងកាត់ពីមួយប្រកួតទៅមួយប្រកួតហើយចាំមើលថាមានរឿងអ្វីកើតឡើង”។
លោកបន្ត៖ “តាមពិតទៅខ្ញុំចង់បន្តនៅ Real Madrid ដរាបណាខ្ញុំមានអារម្មណ៍ថាខ្ញុំនៅតែជាផ្នែកសំខាន់របស់ក្រុម ខ្ញុំនឹងបន្តនៅ ប៉ុន្តែបើមានអារម្មណ៍បែបនោះទេ ខ្ញុំក៏នឹងស្វែងរកការប្រកួតប្រជែងថ្មី”៕
ប្រភព៖ AF