អ្នករាល់គ្នាប្រាកដជាបានដឹងហើយថា កីឡាករ Cristiano Ronaldo គឺជាបុគ្គលដែលមាន Follower ច្រើនបំផុតនៅលើបណ្តាញសង្គម Instagram ប៉ុន្តែបើនិយាយដល់ប្រាក់ចំណូលដែលទទួលបានពីការផ្សព្វផ្សាយផលិតផលឬសេវាកម្មឲ្យក្រុមហ៊ុនជាម្ចាស់ឧបត្ថម្ភ គឺឈ្មោះរបស់ CR7 នៅឈរលេខរៀងទី ៣ ឯណោះ។
តាមរបាយការណ៍ពីគេហទំព័រ HopperHQ បានបង្ហាញនូវបញ្ជីបុគ្គលដែលស៊ីថ្លៃបំផុតចំពោះការផ្សព្វផ្សាយពាណិជ្ជកម្ម នៅលើគណនី Instagram ដោយលេខរៀងទី ១ និងទី ២ សុទ្ធសឹងតែជាតារាល្បីឈ្មោះនៅសហរដ្ឋអាមេរិក។ CTS Sports បង្ហាញឈ្មោះទាំង ១០ ដូចខាងក្រោម៖ (បញ្ជាក់ថា តម្លៃគិតរៀងរាល់ការបង្ហោះផ្សព្វផ្សាយម្តង)
១០) តារាបាល់ទាត់ Neymar មាន Follower ជាង ១៤២ លាននាក់ ស៊ីថ្លៃ ៧០៤ ០០០ ដុល្លារ
៩) តារាចម្រៀង Taylor Swift មាន Follower ជាង ១៤០ លាននាក់ ស៊ីថ្លៃ ៧២២ ០០០ ដុល្លារ
៨) តារាចម្រៀង Justin Bieber មាន Follower ជាង ១៤៩ លាននាក់ ស៊ីថ្លៃ ៧៤៧ ០០០ ដុល្លារ
៧) តារាចម្រៀង Beyonce មាន Follower ជាង ១៥៥ លាននាក់ ស៊ីថ្លៃ ៧៧០ ០០០ ដុល្លារ
៦) តារាចម្រៀង Selena Gomez មាន Follower ជាង ១៩៤ លាននាក់ ស៊ីថ្លៃ ៨៤៨ ០០០ ដុល្លារ
៥) តារាចម្រៀង Ariana Grande មាន Follower ជាង ២០៣ លាននាក់ ស៊ីថ្លៃ ៨៥៣ ០០០ ដុល្លារ
៤) តារាសម្តែង Kim Kardashian មាន Follower ជិត ១៩០ លាននាក់ ស៊ីថ្លៃ ៨៥៨ ០០០ ដុល្លារ
៣) តារាបាល់ទាត់ Cristiano Ronaldo មាន Follower ជាង ២៤០ លាននាក់ ស៊ីថ្លៃ ៨៨៩ ០០០ ដុល្លារ
២) អ្នកជំនួញវ័យក្មេង Kylie Jenner មាន Follower ជិត ១៩៨ លាននាក់ ស៊ីថ្លៃ ៩៨៦ ០០០ ដុល្លារ
១) តារាសម្តែង Dwayne Johnson រហ័សនាម “TheRock” មាន Follower ជាង ២០០ លាននាក់ ស៊ីថ្លៃ ១ ០១៥ ០០០ ដុល្លារ៕