Weston McKennie គឺជាកីឡាករអាមេរិកដំបូងដែលបានមកចូលរួមនៅក្លឹប Juventus ក្នុងលក្ខខណ្ឌខ្ចីជើងមួយរដូវកាលពីក្លឹប Schalke 04។
យុវជនវ័យ ២២ ឆ្នាំរូបនេះ តាមរបាយការណ៍ពី La Gazzetta dello Sport បានចុះផ្សាយថា គេអាចទទួលបានប្រាក់ពលកម្មប្រមាណ ២,៩៥ លានអឺរ៉ូឬខ្ទង់ ៣,៥ លានដុល្លារអាមេរិក/រដូវកាលពីក្លឹបសេះបង្កង់។
McKennie នឹងដើរតួជាកីឡាករសំខាន់មួយនៅតំបន់បម្រើក្រោមការដឹកនាំរបស់លោក Andrea Pirlo។ ការខ្ចីជើងមួយរដូវកាល ភាគីខាងក្លឹបអ៊ីតាលីទូទាត់ឲ្យក្លឹប Schalke 04 ចំនួន ៤,៥ លានអឺរ៉ូ ហើយប្រសិននៅបញ្ចប់រដូវកាល ក្លឹបព្រមទិញផ្តាច់ គឺត្រូវទូទាត់សរុប ១៨,៥ លានអឺរូ។
កាលពីរដូវកាលចាស់នៅក្លឹបអាល្លឺម៉ង់ គេបង្ហាញខ្លួនបាន ៣២ ប្រកួត រកបាន ៣ គ្រាប់និង Assist ១ លើកឲ្យក្លឹប៕ ប្រភព៖ AF