ក្លឹបយក្សអ៊ីតាលី Juventus កំពុងដាក់គោលដៅតាមប្រមាញ់ខ្សែការពារស្លាប David Alaba របស់ក្លឹប Bayern Munich ដោយគេត្រៀមនឹងក្លាយជាកីឡាករឥតតម្លៃខ្លួន ក្រោយចប់កុងត្រានៅបញ្ចប់រដូវកាល ២០២០/២១។
Alaba ជាកីឡាករឆ្នើមមួយរូប ដោយកំឡុងការចាយពេល ៨ ឆ្នាំជាមួយក្លឹប ខ្សែការពារសញ្ជាតិអូទ្រីសរូបនេះ រកបាន ៣១ គ្រាប់និង Assist ៤៩ លើកនៅ ៣៨៩ ប្រកួតសរុប។ ប៉ុន្តែនៅរយៈពេលចុងក្រោយ Bayern មានអ្នកថ្មីមកជំនួសនោះគឺ Alphonso Davies ដែលមានប្រៀបលើ Alaba ត្រង់ផ្នែកល្បឿន។
មិនមានរបាយការណ៍ថា Alaba អាចនឹងបន្តនៅនោះទេ ពោលគឺយើងអាចដឹងច្បាស់ត្រឹមខែមករា ប្រសិនណាកីឡាករមិនចុះហត្ថលេខាបន្តកុងត្រាថ្មី នោះក្លឹប Juventus អាចចរចាទុកជាមុន (Pre-Contract) បានហើយ៕ ប្រភព៖ Sportskeeda