Klopp ​មាន​ទំនុក​ចិត្ត​លើ Alisson ​ក្រោយ​បង្ហាញ​ខ្លួន​យប់មិញ​នេះ

លោក Jurgen Klopp  ​មាន​ទំនុក​ចិត្ត​ទៅ​លើ​អ្នក​ចាំ​ទី Alisson ​បន្ទាប់​ពី​រូបគេ​បាន​បង្ហាញ​ខ្លួន​លើក​ដំបូង​នៅ​យប់មិញ ​ហើយ​រក្សា​សំណាញ់​ទី​បាន ​និង​យក​ឈ្នះ​លើ​ក្រុម Napoli ​៥-០។

អ្នក​ចាំ​ទី​ប្រេស៊ីល​រូប​នេះ បាន​ហ្វឹកហាត់​ជាមួយ​សមាជិក​ក្រុម​ដទៃ​ទៀត​រយៈ​ពេល​៥​ថ្ងៃ​មក​ហើយ​នៅ​ជំរុំ Evian ​មុន​ពេល​ធ្វើ​ការ​ប្រកួត​មិត្តភាព​ជាមួយ​ក្រុម Napoli ​នៅ​យប់មិញ​នេះ។ បង្ហាញ​ខ្លួន​ប្រកួត​ដំបូង ​Alisson ​ពិត​ជា​ធ្វើ​បាន​ល្អ ​ដោយ​អាច​រក្សា Clean Sheet ​បាន​ទៀត ​ក្នុង​ជ័យជម្នះ​ធំ​ធេង ៥-០។

លោក Klopp ​អ្នក​ចាត់ការ​ក្រុម Liverpool ​បាន​និយាយ​៖ “គាត់​ពិត​ជា​កីឡាករ​ល្អ​មែន។ អ្នក​គ្រប់​គ្នា​អាច​ស្រមៃ​បាន​ថា​ការ​ប្រកួត​ថ្ងៃ​ដំបូង​ពិត​ជា​មិន​ស្រួល​នោះ​ទេ ប៉ុន្តែ​គាត់​ពិត​ជា​ធ្វើ​បាន​ល្អ។ គាត់​គឺ​ជា​អ្នក​ចាំ​ទី​ម្នាក់ ដែល​ត្រូវ​ការ​ដើម្បី​ការពារ​សំណាញ់​ទី​នៅ​រដូវ​កាល​ក្រោយ​នេះ។ ការ​ចាប់​បាល់​របស់​គាត់ ពិត​ជា​ធ្វើ​ឱ្យ​ខ្ញុំ​មាន​ទំនុក​ចិត្ត​មែន”។

Alisson ​បាន​ជាប់​ឈ្មោះ​ជា​អ្នក​ចាំ​ទី​ថ្លៃ​ជាង​គេ​លើ​លោក​នេះ ​ក្រោយ​ពី​ក្រុម Liverpool ​ទិញ​យក​ពី​ក្រុម Roma ​ក្នុង​តម្លៃ​ខ្លួន​៦០​លាន​ផោន៕ប្រភព៖ DailyMail

 

 

ភ្ជាប់ទំនាក់ទំនងជាមួយ CTS SPORT