ខ្សែបម្រើ Thiago Alcantara អាចចាកចេញពីកន្លែងធ្វើចត្តាឡឺស័កហើយ បន្ទាប់ពីសម្រាកព្យាបាលមេរោគ Covid-19 ជាច្រើនថ្ងៃមកនេះ។
កីឡាករវ័យ២៩ឆ្នាំខាងលើនេះ បានធ្វើតេស្ដវិជ្ជមាន Covid-19 កាលពីខែមុន និងតម្រូវឱ្យធ្វើ ចត្តាឡឺស័កសិន រហូតដល់ព្យាបាលជាសះស្បើយ។ យ៉ាងណាមិញ នៅម្សិលមិញនេះគេបានរកឃើញថាកីឡាករអេស្ប៉ាញរូបនេះអាចដើរចេញក្រៅបានហើយ ដូច្នេះមានន័យថាមេរោគ Covid-19 របស់គេបានធូរស្បើយច្រើនហើយ។
នេះទំនងជាដំណឹងល្អសម្រាប់ក្រុម Liverpool ហើយ បន្ទាប់ពីពួកគេបានបាត់បង់កីឡាករសំខាន់ក្នុងការប្រកួតទល់ Aston Villa និងធ្វើឱ្យក្រុមបរាជ័យធ្ងន់ករ ៧-២ កាលពីពេលកន្លងទៅនេះ។ Alcantara ផ្លាស់មកពីក្រុម Bayern Munich នឹងទើបបង្ហាញខ្លួនឱ្យក្រុម Liverpool បាន១ប្រកួតប៉ុណ្ណោះទល់ក្រុម Chelsea កន្លងទៅ៕
ប្រភព៖ DailyMail