• មុន​ប៉ះ Chelsea ​យប់​នេះ Pep ​ថា​លោក​នៅ​តែ​ស្រែក​ឃ្លាន​ពាន​រង្វាន់​ទៀត

    ក្រុម Manchester City ​នឹង​ត្រូវ​តតាំង​ជាមួយ​ក្រុម Chelsea ​នៅ​យប់​ម៉ោង​៩​នេះ ​ដើម្បី​យក​ពាន​រង្វាន់​បើក​រដូវ​កាលCommunity Shield នៅ​កីឡដ្ឋាន Wembley។

    លោក Pep Guardiola ​អ្នក​ចាត់ការ​ក្រុម Man City ​ដែល​ជួយ​ក្រុម​លើក​ពាន English Premier League ​រដូវ​កាល​មុន ​បាន​និយាយ​ត្រៀម​ការ​ប្រកួត​យប់​នេះ​ថា​៖ “ការ​ភ័យ​ខ្លាច​ចាញ់​ការ​ប្រកួត ​បាន​ធ្វើ​ឱ្យ​ខ្ញុំ​កាន់​តែ​ស្រែក​ឃ្លាន​យក​ពាន​រង្វាន់​ថែម​ទៀត។ ខ្ញុំ​មិន​ចូល​ចិត្ត​អារម្មណ៍​នៅ​ពេល​ចាញ់​នោះ​ទេ។ ពេល​យើង​ចាញ់ ​យើង​មាន​អារម្មណ៍​មិន​ល្អ ​និង​ធ្វើ​ឱ្យ​ជីវិត​យើង​មិន​ល្អ​ផង​ដែរ ហើយ​ទំនាក់ទំនង​ជាមួយ​កីឡាករ​វិញ​ក៏​មិន​ល្អ​ដែរ។ ដូច្នេះ​ហើយ ​ខ្ញុំ​តែងតែ​ចង់​ជៀស​ឱ្យ​ឆ្ងាយ​ពី​បរាជ័យ”។

    ដោយ​ឡែក​សម្រាប់​លោក Sarri ​អ្នក​ចាត់ការ​ថ្មី​របស់​ក្រុម Chelsea ​បាន​និយាយ​សរសើរ​ទៅ​លោក Pep ​ថា​ជា​អ្នក​ចាត់ការ​ល្អ​ជាង​គេ​លើ​លោក​នេះ។ គេ​បាន​បង្កើត​ប្រវត្តិសាស្ត្រ​មួយ​នៅ​អង់គ្លេស ​ហើយ​ការ​ប្រកួត​នៅ​រាត្រី​នេះ​ក៏​នឹង​តានតឹង​ខ្លាំង​ផង​ដែរ។

    ពាន​រង្វាន់ Community Shield ​ជា​ពាន​រង្វាន់​បើក​រដូវ​កាល​នៅ​លីគ​អង់គ្លេស ​ដោយ​ជា​ការ​ប៉ះ​គ្នា​រវាង​ម្ចាស់​ជើង​ឯក​លីគ​កំពូល ​ត​ទល់​ជាមួយ​ក្រុម​ម្ចាស់​ពាន​រង្វាន់ FA Cup៕ប្រភព៖ DailyMail

     

     

    ភ្ជាប់ទំនាក់ទំនងជាមួយ CTS SPORT