Ivan Perisic ខ្សែបម្រើឆ្នើមម្នាក់ បានបង្ហើបថាខ្លួននឹងចាកចេញពីក្លឹប Inter Milan ដើម្បីទៅលេងនៅក្លឹបធំមួយ ក្នុងលីគល្បីឈ្មោះ អង់គ្លេស ឬអេស្ប៉ាញ។
Manchester United ជាក្លឹបមួយដែលបានចាប់អារម្មណ៍ទៅលើកីឡាករសំខាន់របស់ជម្រើសជាតិក្រូអាតរូបនេះ។ ដោយការចង់បាននេះ លោក Jose Mourinho ដាក់គោលដៅយកតាំងពីឆ្នាំ២០១៧មកម្ល៉េះ ប៉ុន្តែមិនបានសម្រេច ព្រោះថា Inter Milan បដិសេធមិនព្រមលក់ឡើយ។ កីឡាករវ័យ២៩ឆ្នាំបានបញ្ជាក់ថាបច្ចុប្បន្នខ្លួនកំពុងសប្បាយចិត្តនៅអ៊ីតាលី ប៉ុន្តែសង្ឃឹមថាថ្ងៃអនាគតនឹងបានផ្លាស់ទៅលេងនៅលីគផ្សេងជាមួយក្រុមខ្លាំង។
“វាជារឿងពិតដែល Inter មិនទទួលបានលទ្ធផលល្អចាប់តាំងពីឆ្នាំ២០១០មក យើងមានបញ្ហាខ្លះ ការសម្រេចចិត្តមិនត្រឹមត្រូវ ប៉ុន្តែខ្ញុំសង្ឃឹមថានឹងទទួលបានផលល្អក្នុងពេលឆាប់ៗ។ ខ្ញុំឮថាមានក្លឹបចង់បានរូបខ្ញុំ ប៉ុន្តែពួកគេត្រូវនិយាយជាមួយ Inter សិន ហើយទើបខ្ញុំសម្រេចចិត្ត។ មានតែព្រះទេទើបដឹងពីអនាគត ខ្ញុំសប្បាយចិត្តនៅ Inter ប៉ុន្តែគ្មាននរណាដឹងឡើយក្នុងវិស័យបាល់ទាត់ អ្វីក៏កើតឡើងបានដែរ”។ សម្ដីរបស់ខ្សែបម្រើជួយក្រូអាតឡើងដល់ផ្ដាច់ព្រ័ត្រ World Cup 2018៕ប្រភព៖ GOAL