ឯកសណ្ឋានរបស់ក្លឹប Manchester City ចាប់ពីរដូវកាល២០១៩-២០២០ ទៅអាចនឹងផ្លាស់ទៅប្រើសំលៀកបំពាក់ផលិតដោយក្រុមហ៊ុន Puma វិញ ក្រោយពីចរចាកុងត្រាត្រូវគ្នា ទទួលបាន៥០លានផោនក្នុង១ឆ្នាំ។
នេះជាកុងត្រាទៅក្រុមហ៊ុនសំលៀកបំពាក់ធំបំផុតប្រចាំប្រវត្តិសាស្ត្រក្លឹប Man City ហើយវាក៏ជាកុងត្រាធំលំដាប់ទី៣នៅលីគអង់គ្លេស បន្ទាប់ពីក្រុម Man Utd និង Chelsea ផងដែរ។ បើយោងតាមប្រភពនៅអង់គ្លេសបានបញ្ជាក់ថាការចុះកុងត្រាប្រើផលិតផលរបស់ Puma នេះ គឺនឹងត្រូវប្រើប្រាស់ទៅលើក្រុមហ៊ុន City Group ទាំងអស់តែម្ដង ដោយលើកលែងតែ New York City មួយប៉ុណ្ណោះ។ ការលើកលែងនេះ គឺដោយសារតែលីគនៅអាមេរិកបានចុះកុងត្រាគ្រប់ក្លឹបតែម្ដង ជាមួយក្រុមហ៊ុន Adidas ។
សូមបញ្ជាក់ថាបច្ចុប្បន្ននេះក្លឹប Manchester City ប្រើប្រាស់ឯកសណ្ឋានរបស់ក្រុម Nike ដោយមានតម្លៃកុងត្រាត្រឹម២០លានផោនប៉ុណ្ណោះក្នុង១ឆ្នាំ៕ប្រភព៖ DailyMail
