ក្លឹបបិសាចក្រហម Manchester United បានងាកទៅរកខ្សែការពារ Jerome Boateng វិញហើយ ក្រោយពីការចរចាយក Yerry Mina អាចនឹងពិបាកទិញយកបាន។
Jerome Boateng
កាលពីម្សិលមិញនេះកាសែតនៅអង់គ្លេស បានសរសេរថាក្លឹប Man Utd បានទាក់ទងទៅក្លឹប Bayern Munich ដើម្បីនាំយកខ្សែការពារ Boateng មកពង្រឹងតំបន់ការពាររបស់ខ្លួន។ យ៉ាងណាមិញ ការចង់បានកីឡាករអាល្លឺម៉ង់នេះ ក្រោយពីក្លឹបពិបាកក្នុងការយក Mina ពីក្លឹប Barcelona ព្រោះអាចនឹងមានតម្លៃខ្លួនខ្ពស់។ ស្របពេលដែល Bayern ផ្ទាល់ក៏មានបំណងចង់លក់ខ្សែការពារកណ្ដាលរូបនេះផងដែរ ក្រោយរួមរស់ជាមួយគ្នា៧រដូវកាលនេះ។
Yerry Mina
បិសាចក្រហមអាចនឹងចំណាយដល់៥០លានផោនឯណោះ ដើម្បីយកអតីតកីឡាករ Manchester City ខាងលើមក Old Trafford បាន។ ផ្ទុយទៅវិញ ប្រសិនបើមិនអាចយក Boateng បានទេ នោះក្រុមរបស់លោក Jose Mourinho នៅមានកីឡាករម្នាក់ទៀតដែលខ្លួនមើលឃើញ គឺ Toby Alderweireld របស់ក្រុម Spurs ។ តម្លៃខ្លួនរបស់កីឡាករបែលហ្សិករូបនេះ ក៏អាចនឹងឈានដល់៥០លានផោនផងដែរ ក្រោយពីរូបគេលេងបានល្អនៅព្រឹត្តិការណ៍ World Cup 2018 នេះ៕ប្រភព៖ DailyMail