កំឡុងការប្រកួតរវាង Chelsea និង Tottenham Hotspur នៅព្រឹត្តិការណ៍ Carabao Cup វគ្គ ១៦ ក្រុមចុងក្រោយ គេក៏ប្រទះឃើញអ្នកចាត់ការលោក Jose Mourinho ហាក់មានការប៉ះទង្គិចពាក្យសម្តីរវាងអ្នកចាត់ការលោក Frank Lampard នៅខ្សែបន្ទាត់បន្តិចផងដែរ។
គ្រាដែល Chelsea នាំមុខមុន ១-០ តាមរយៈគ្រាប់បាល់របស់ Timo Werner គេក៏ឃើញបុរសសញ្ជាតិព័រទុយហ្គាល់ទៅស្រែកដាក់ Lampard ហើយបើអ្នកសារព័ត៌មានរបស់ The Daily Telegraph លោក Sam Wallace ទម្លាយថា Mourinho បាននិយាយពាក្យ៖ “F*****g hell, Frank ពេលមុនអ្នកចាញ់ ៣-០ ម៉េចបានអ្នកមិនមកឈរនៅទីនេះអ៊ីចឹងដែរទៅ”។
សារនេះគឺបុរសមានរហ័សនាម <<Special One>> ចង់ឌឺដងទៅ Lampard គ្រាត្រូវ West Brom នាំមុខ ៣-០ នៅតង់ទីមួយ ដែលពេលនោះ Lampard ទៅអង្គុយសម្ងំនៅជួរកៅអីខាងក្នុងទាំងទឹកមុខខឹងសម្បាខ្លាំងបំផុត៕
ប្រភព៖ SportBible