ក្លឹប Barcelona នឹងប្រកាសពីការទិញបាន Arturo Vidal ពីក្លឹប Bayern Munich ក្នុងពេលឆាប់ៗនេះ ក្រោយពីចរចាត្រូវគ្នា ក្នុងតម្លៃខ្លួន២៧លានផោន។
ក្លឹប Bayern Munich បានអនុញ្ញាតឱ្យកីឡាករសញ្ជាតិឈីលីខាងលើនេះចាកចេញ បន្ទាប់ពីមានក្លឹប Barcelona ចង់បានរូបគេ ក្នុងតម្លៃខ្លួន២៧លានផោន។ បើតាម The Guardian បានបញ្ជាក់ទៀតថាកីឡាករវ័យ៣១ឆ្នាំរូបនេះ ជាអ្នកចង់ចាកចេញពីអាល្លឺម៉ង់ដោយខ្លួនឯង ដើម្បីស្វែងរកក្លឹបថ្មី ទទួលយកបទពិសោធថ្មី។ ស្របពេលដែល FC Barcelona ជាជម្រើសទី១សម្រាប់រូបគេទៅហើយ។
ប្រសិនបើ Vidal មកមែន នោះរូបគេជាបេក្ខភាពទី៤ហើយ ដែលក្រុមអ្នកមានបុណ្យទិញយក បន្ទាប់ពី Malcom , Arthur និង Lenglet នៅរដូវកាលដោះដូរកីឡាករនេះ៕ប្រភព៖ DailyMail
