Diego Costa និង Luis Suarez ដែលត្រូវបានគេស្គាល់ថា ជាកីឡាករលេងកាចនៅតំណែងប្រយុទ្ធដូចគ្នា ទីបំផុតបានជួបគ្នានាមជាមិត្តរួមក្រុមតែមួយនៅ Atletico Madrid សម្រាប់រដូវកាលថ្មី ២០២០/២១ នេះ។
Suarez កាលពីយប់មិញរកបាន ២ គ្រាប់និង Assist ១ លើកនៅការបង្ហាញខ្លួនលើកដំបូង ក្រោយប្តូរចូលជំនួស Costa នៅតង់ទីពីរ។ ក្រឡេកទៅមើល Costa ឯណោះវិញ ក៏បង្ហាញអារម្មណ៍រីករាយការដែលមានវត្តមានកីឡាករអ៊ុយរុយហ្គាយមកចូលរួមជាមួយ ហើយថែមទាំងនិយាយបែបនេះថា៖ “វាជារឿងល្អ ម្នាក់ពូកែខាំ ម្នាក់ពូកែហក់ធាក់ ដោយយើងពិតជាសំណាងដែលមាន Luis ហើយខ្ញុំពិតជាមិនយល់ទេថាហេតុអ្វី Barca អនុញ្ញាតឲ្យគាត់ចេញ”។
លោកបន្តថា៖ “គេនឹងមកជួយយើងច្រើនណាស់ តាមរយៈការសម្រេចទី ក៏ដូចជាភាពស្រេកឃ្លានរបស់គេក្នុងការឈ្នះពានរង្វាន់ ខ្ញុំសង្ឃឹមថាគេអាចជួយយើងយកពានដើម្បីអ្នកគាំទ្ររបស់យើងបាន”៕
ប្រភព៖ AF