Jadon Sancho នៅតែស្ថិតក្នុងចចាមអារ៉ាមនៃការផ្ទេរទៅចូលរួមជាមួយក្លឹបបិសាចក្រហម Man Utd ដដែល ព្រោះក្លឹបម្ចាស់ដី Old Trafford ហាក់មិនបន្ធូរដៃក្នុងការចរចាលើកនេះទាល់តែសោះ។
តាមប្រភពពីអ្នកសារព័ត៌មានល្បីឈ្មោះ Fabrizio Romano បានឲ្យដឹងថា ប្រសិនណា Dortmund របូត Sancho ឲ្យទៅ United ពិតមែន នោះក្លឹបនឹងបញ្ចុះបញ្ចូលឲ្យអ្នកថ្មីគឺ Isamaila Sarr មកចូលរួមជំនួសភ្លែតតែម្តង។
ខ្សែប្រយុទ្ធវ័យក្មេងរបស់ Watford អាចមានតម្លៃខ្លួនប្រមាណ ២៤,៥ លានអឺរ៉ូ ដែលនេះជាតម្លៃតិចជាង ៤ ដងធៀបនឹងការគ្រោងលក់ចេញ Sancho។ រដូវកាលចាស់ ២០១៩/២០ កីឡាករវ័យ ២២ ឆ្នាំរកបាន ៦ គ្រាប់និង Assist ៦ លើកនៅការបង្ហាញខ្លួន ៣០ ប្រកួត៕
ប្រភព៖ Sportskeeda