ខ្សែប្រយុទ្ធវ័យក្មេង Ansu Fati ទីបំផុតត្រូវបានក្លឹប Barcelona ប្រកាសដាក់ឈ្មោះឲ្យមកចូលរួមលេងនៅឈុតធំរបស់ក្លឹបជាផ្លូវការហើយ ក្រោយពីបានដើរតួជាកង់ស្រកួរម្តងកាលនារដូវកាលចាស់។
កីឡាករសញ្ជាតិអេស្ប៉ាញចុះកុងត្រាថ្មី ដែលអាចឈរជើងនៅទឹកដី Camp Nou ដល់ឆ្នាំ ២០២២ ហើយមានតម្លៃផ្តាច់កុងត្រាផ្ទេរចេញថ្លៃប្រមាណ ៤០០ លានអឺរ៉ូឯណោះ។ ការបង្ហាញខ្លួនរបស់គេជាលើកដំបូង ទំនងជាធ្វើឡើងក្នុងការប្រកួតទល់ Villarreal។
Fati នឹងប្រើប្រាស់អាវលេខ ២២ ជំនួសពីការប្រើប្រាស់អាវចាស់លេខ ៣១ ហើយលេខ ២២ នេះ ជាលេខអាវរបស់ Arturo Vidal ដែលទើបចាកចេញពីក្លឹបកាលពីពេលថ្មីៗ។
បញ្ជាក់ប្រាប់នៅការចុះហត្ថលេខាថ្មី Fati និយាយ៖ “វាជាក្តីស្រមៃរបស់កីឡាកររាល់គ្នានៅថ្នាល La Masia តាំងពីថ្ងៃដំបូង ខ្ញុំរីករាយខ្លាំងណាស់ នេះហើយជាគ្រួសាររបស់ខ្ញុំ ដោយខ្ញុំពិតជាសប្បាយចិត្តនិងចង់បន្តរៀនសូត្រពីមិត្តរួមក្រុមបន្ថែមទៀត ដើម្បីការអភិវឌ្ឍខ្លួន”៕ ប្រភព៖ AF