Daniel James មានភាគរយខ្ពស់នឹងសម្រេចការផ្ទេរទៅក្លឹបទើបប្រម៉ូតឡើង Leeds United ប្រសិនណា Manchester United អាចសម្រេចការចរចានាំយកខ្សែប្រយុទ្ធ Jadon Sancho មកចូលរួមនៅទឹកដី Old Trafford។
តាមរបាយការណ៍ពី Daily Star បានចុះផ្សាយថា ក្លឹប Leeds កំពុងចាប់អារម្មណ៍លើស្លាបប្រយុទ្ធវ័យក្មេងរបស់ ManU ជាខ្លាំង ហើយកំពុងសិក្សាពីឱកាសដែលអាចយករូបគេមកចូលរួមក្នុងពេលដ៏ខ្លីខាងមុខ។
ខណៈដែលទីផ្សារដោះដូរនឹងត្រូវបិទទ្វារនៅថ្ងៃទី ៥ តុលា អ៊ីចឹងរឿងនេះនឹងក្លាយជាប្រធានបទដ៏ក្តៅគគុកមួយ ដែលអ្នកគាំទ្រកាន់តែពុះកញ្ជ្រោលធ្វើការរង់ចាំអុតមើលចម្លើយ។ រដូវកាលចាស់ ២០១៩/២០ James បង្ហាញខ្លួនឲ្យបិសាចក្រហម ៤៦ ប្រកួត រកបាន ៤ គ្រាប់និង Assist ៧ លើក៕
ប្រភព៖ Goal