ក្រុម Real Madrid អាចយក Edinson Cavani បាននារដូវកាលនេះ ដោយមិនមានតម្លៃផ្ទេរឡើយ ប្រសិនណាបើពួកគេយកព្រមឱ្យខ្សែប្រយុទ្ធរូបនេះ ៧លានអឺរ៉ូក្នុង១ឆ្នាំ ហើយកុងត្រាឱ្យ២ឆ្នាំ។ខ្សែប្រយុទ្ធ Cavani បានអស់កុងត្រាជាមួយក្រុម PSG ជាច្រើនខែមកហើយ និងមិនទាន់មានក្លឹបទៅលេងនៅទេ។ រូបគេបច្ចុប្បន្នកំពុងស្នាក់នៅស្រុកកំណើត ប្រទេសអ៊ុយរុយហ្គាយសិន ដើម្បីចរចាស្វែងរកក្លឹបថ្មីលេង។
ក្នុងនោះដែរ Cavani ទំនងជាចង់មកលេងនៅក្រុម Real Madrid ច្រើន ប្រសិនណាបើក្លឹបអេស្ប៉ាញនេះយល់ព្រមឱ្យរូបគេ៧លានអឺរ៉ូក្នុង១ឆ្នាំ អមជាមួយកុងត្រា២ឆ្នាំ នោះច្បាស់ណាស់ការមកចូលរួមប្រាកដជាកើតមានឡើងមិនខាន។ត្បិតតែយ៉ាងនេះក្ដី Juventus, Roma, Gremio និង Benfica ក៏កំពុងទាក់ទងរូបគេផងដែរ ព្រោះឱ្យតែចរចាសាមីខ្លួនត្រូវ ពួកគេអាចយកបានខ្សែប្រយុទ្ធកំពូលម្នាក់នេះទៅហើយ៕