ខ្សែប្រយុទ្ធ Alvaro Morata បានទៅដល់ប្រទេសអ៊ីតាលីហើយ ដើម្បីទៅចូលរួមជាមួយក្រុម Juventus ក្រោមលក្ខខណ្ឌខ្ចីជើង១រដូវកាលពីក្រុម Atletico Madrid ។ដោយសារតែមិនអាចយក Suarez បាន ក្រុម Juventus ក៏បានស្នើខ្ចីជើងកីឡាករ Morata ពីក្រុម AT Madrid វិញ។ ជាលទ្ធផលពួកគេអាចទិញជើងកីឡាករអេស្ប៉ាញនេះបាន ក្នុងតម្លៃ១០លានអឺរ៉ូក្នុង១រដូវកាល ជាមួយលក្ខខណ្ឌអាចទិញយកដាច់បន្ទាប់ពីចប់កុងត្រាខ្ចីជើងនេះថែមទៀត។
Morata នឹងធ្វើតេស្ដសុខភាពនោថ្ងៃនេះ ហើយថ្ងៃស្អែកនឹងបង្ហាញខ្លួនក្នុងនាមជាកីឡាករ Juventus តែម្ដង។ រំលឹកថាខ្សែប្រយុទ្ធវ័យ២៧ឆ្នាំនេះ ធ្លាប់លេងឱ្យក្រុម Juventus ម្ដងហើយ ប៉ុន្តែត្រូវក្រុម Real Madrid យកទៅវិញ មុនពេលផ្លាស់ទៅលេងនៅ AT Madrid នេះ។ ដោយឡែករដូវកាលនេះ រូបគេក៏ត្រលប់មកលេងនៅអ៊ីតាលីម្ដងទៀត ដោយសហការគ្នាជាមួយ Ronaldo ម្ដង៕