Andrea Pirlo បានដឹកនាំក្រុម Juventus បើករដូវកាលដំបូង យកឈ្នះលើក្រុម Sampdoria ក្នុងលទ្ធផល ៣-០ ដោយ Cristiano Ronaldo រកបាន១គ្រាប់ផងដែរ។Pirlo ដឹកនាំក្រុមដំបូងនេះ ឃើញថាដំណើរការយ៉ាងរលូន ហើយសមាជិកក្រុមក៏លេងសហការគ្នាបានល្អផងដែរ។ អ្វីដែលគេចាប់អារម្មណ៍ អ្នកចាត់ការថ្មីថ្មោងរូបនេះ ក៏បានចេញមុខមកអះអាងពីសមត្ថភាពរបស់ខ្សែប្រយុទ្ធស្នូល Ronaldo ផងដែរ។ Pirlo បានបញ្ជាក់ថារដូវកាលនេះ លោកនឹងឱ្យ Ronaldo សម្រាកខ្លះ មិនលេងគ្រប់ប្រកួតនោះទេ។
អតីតវីរបុរសបាល់ទាត់អ៊ីតាលីរូបនេះ អះអាងថា៖ “ប្រសិនបើមានប្រកួតដែលមិនសូវសំខាន់ យើងនឹងឱ្យគាត់សម្រាកខ្លះ។ គាត់បានដឹងពីកាយសម្បទារបស់គាត់ច្បាស់ណាស់ ដូច្នេះខ្ញុំជឿថាគាត់នឹងយល់ពីយើង។ ជើងរបស់គាត់ត្រូវការសម្រាក គាត់នឹងឈានដល់៣៦ឆ្នាំនៅរដូវកាលនេះហើយ”៕
ប្រភព៖ DailyMail