Frank Lampard អ្នកចាត់ការក្រុម Chelsea បានបញ្ជាក់ថាអ្នកចាំទី Kepa នឹងមិនមានឱកាសបានបង្ហាញខ្លួនសម្រាប់ការប្រកួតក្រោយទៀតនោះទេ។ក្រុម Chelsea បានបរាជ័យក្រោមថ្វីជើងក្រុម Liverpool ក្នុងលទ្ធផល ២- សម្រាប់ការប្រកួតសប្ដាហ៍ទី២កន្លងទៅនេះ។ ២គ្រាប់ក្នុងការប្រកួតនេះកើតឡើងដោយ Mane រកបានទាំង២គ្រាប់ ហើយគ្រាប់ទី២វិញ ជាកំហុសរបស់ Kepa ដែលបោះបាល់ទៅប៉ះ Mane នៅមុខទីខ្លួនឯង។
កំហុសនេះត្រូវបានលោក Lampard អះអាងថាជាកំហុសដែលកាត់ក្ដីក្នុងការប្រកួតតែម្ដង។ តែទោះជាយ៉ាងនេះក្ដី លោកនៅតែគាំទ្រដល់អ្នកចាំទីរបស់ខ្លួនឱ្យបន្ដខិតខំហ្វឹកហាត់បន្ថែមទៀត។ ខណៈដែលការប្រកួតបន្ទាប់ខាងមុខនេះ រូបគេនឹងមិនមានឱកាសបានចូលលេងទេ ដោយក្រុមត្រូវដាក់ Willy Caballero ជំនួសវិញសិន៕