ក្រុម Spurs បានបញ្ជាក់កាលពីម្សិលមិញនេះថាខ្សែប្រយុទ្ធ Gareth Bale នឹងមិនអាចបង្ហាញខ្លួនជួយក្រុមបានទេ ដោយសារតែមានរបួសត្រូវសម្រាកដល់ពាក់កណ្ដាលខែតុលាឯណោះ។
ក្រុម Spurs បានបង្ហាញមុខកីឡាករថ្មីរបស់ខ្លួន២នាក់ពីក្រុម Real Madrid គឺខ្សែប្រយុទ្ធ Gareth Bale និង Sergio Reguilon ។ យ៉ាងណាមិញ អំឡុងពេលបង្ហាញខ្លួននោះដែរ ក្រុម Spurs បានបញ្ជាក់ថា Bale មានបញ្ហារបួសជង្គង់ ដែលនឹងធ្វើឱ្យរូបគេអវត្តមានពីទីលានរហូតដល់ពាក់កណ្ដាលខែតុលាឯណោះ។ ដោយរបួសនេះកើតឡើង អំឡុងពេលរូបគេលេងឱ្យក្រុមជម្រើសជាតិវែល។
Bale មកលេងឱ្យក្រុម Spurs វិញនេះ ក្រោមលក្ខខណ្ឌខ្ចីជើងរយៈពេលវែង។ រូបគេនឹងទទួលបានតម្លៃពលកម្មរហូតដល់១៣លានផោនឯណោះក្នុង១ឆ្នាំ៕ប្រភព Dailymail