ក្រុមហង្សក្រហម Liverpool ទិញបានខ្សែប្រយុទ្ធ Diogo Jota ពីក្រុម Wolves ហើយ ក្នុងតម្លៃខ្លួន៤៥លានផោន ជាមួយកុងត្រាដល់ទៅ៥ឆ្នាំ។
កីឡាករវ័យ២៣ឆ្នាំខាងលើនេះ គឺជាផ្នែកមួយដែលលោក Klopp ទិញចូល ដើម្បីមកពង្រឹងក្រុមឡើងវិញ ការពារតំណែងជើងឯក។ ខ្សែប្រយុទ្ធព័រទុយហ្គាល់ខាងលើនេះ ជាកីឡាករទី៣ហើយដែលក្រុម Liverpool ទិញចូល បន្ទាប់ពី Thiago Alcantara ដែលទិញពីក្រុម Bayern Munich មកក្នុងតម្លៃខ្លួន២៥លានផោន។
Jota នឹងទទួលបានអាវលេខ២០ ដែលជាអាវរបស់ Adam Lallana ធ្លាប់ពាក់ពីមុនមក។ កីឡាកររូបនេះ រដូវកាលមុនរកបាន១៦គ្រាប់ដែរ ឱ្យក្រុម Wolves ហើយលោក Klopp ក៏ចាប់អារម្មណ៍យូរមកហើយដែរ៕ប្រភព Dailymail