Ole Gunnar Solskjaer បានអះអាងថាបរាជ័យនៅយប់មិញនេះ ក្រុមកីឡាករ Manchester United ទាំងអស់ត្រូវមើលកញ្ចប់ខ្លួនឯង ថាតើបានធ្វើអ្វីខ្លះសម្រាប់ការប្រកួតនេះ។ក្នុងដីខ្លួនឯងនៅយប់មិញនេះ ក្រុម Man Utd បានបរាជ័យក្រោមថ្វីជើងក្រុម Crystal Palace ក្នុងលទ្ធផល ៣-១ ឯណោះ។ បរាជ័យមួយនេះ បានធ្វើឱ្យក្រុមអ្នកគាំទ្រអន់ចិត្តជាខ្លាំង ហើយកាន់តែដាក់សម្ពាធដល់ក្លឹបថែមទៀត ដើម្បីឱ្យទិញកីឡាករថ្មីមករួមក្រុម។
ក្រោយចប់ការប្រកួត លោក Ole បាននិយាយថា៖ “យើងត្រូវមើលកញ្ចក់ មើលមុខខ្លួនឯង។ យើងអាចលេងល្អជាងការប្រកួតថ្ងៃនេះ។ គ្រប់គ្នាសុទ្ធតែដឹងថាដៃគូរបស់យើងរីកចម្រើនច្រើន ហើយយើងក៏ត្រូវពង្រឹងសមត្ថភាពខ្លួនឯងឱ្យបានលឿនផងដែរ។ ថ្ងៃនេះជាទម្រង់លេងមួយដែលកម្រកើតឡើងណាស់”៕ប្រភព៖ DailyMail
