PSG ​ដាក់​គោល​ដៅ​ទិញ​យក Kante ​ឱ្យ​បាន​រដូវ​កាល​នេះ

ក្លឹប PSG ​បាន​ដាក់​គោល​ដៅ​ទិញ​យក​ខ្សែ​បម្រើ  N’Golo Kante ​ឱ្យ​បាន​នៅ​រដូវ​កាល​នេះ ​បើ​ទោះ​ជា​ក្លឹប Chelsea ​កំពុង​ព្យាយាម​បញ្ចុះបញ្ចូល​ត​កុងត្រា​ថ្មី​ក៏​ដោយ។

មុន​រដូវ​កាល​ថ្មី​ចូល​មក​ដល់​ក្លឹប Chelsea ​ក្រោម​ការ​ដឹក​នាំ​របស់​អ្នក​ចាត់ការ​ថ្មី កំពុង​ព្យាយាម​រក្សា​កីឡាករ​ល្អ​របស់​ខ្លួន ​ដោយ​រៀប​ចំ​ត​កុងត្រា​ថ្មី ​ជាមួយ Hazard ​និង Kante ​ជា​ដើម។ បើ​ទោះ​ជា​យ៉ាង​នេះ​ក្ដី ​ក្លឹប PSG ​ដែល​បាន​ដាក់​គោល​ដៅ​យក​ខ្សែ​បម្រើ​បារាំង​រូប​នេះ​ឱ្យ​បាន​នោះ ​មិន​ខ្វល់​ចំពោះ​រឿង​ត​កុងត្រា​នោះ​ឡើយ។

តើ​យោង​តាម​កាសែត​នៅ​បារាំង ​កីឡាករ​វ័យ​២៧​ឆ្នាំ​ខាង​លើ​នេះ ជា​ជម្រើស​ទី​១​សម្រាប់​ក្រុម​អ្នក​មាន​នៅ​ទីក្រុង​បារីស។ លោក Thomas Tuchel ​មើល​ឃើញ​ចំណុច​ខ្វះ​ខាត​របស់​ក្រុម​ត្រង់​តំបន់​បម្រើ​ការពារ​នេះ​ឯង ដូច្នេះ​ហើយ ​ការ​ទិញ​យក Kante ​បាន​គឺ​ជា​រឿង​ល្អ​បំផុត​សម្រាប់​ក្លឹប​ដើម្បី​ចូល​រួម​លេង​រដូវ​កាល​ថ្មី ​ជា​ពិសេស​ក្នុង​ពាន​រង្វាន់ UEFA Champions League ​តែ​ម្ដង​។

ត្បិត​តែ​ដាក់​គោលដៅ​យ៉ាង​នេះ​មែន ប៉ុន្តែ​ក្លឹប​មិន​ទាន់​បញ្ចេញ​តម្លៃ​ខ្លួន​ទិញ​នៅ​ឡើយ​ទេ។ ដោយ​អាច​នឹង​រង់ចាំ​ចម្លើយ​រឿង​ត​កុងត្រា​ថ្មី​សិន ថា​តើ​កីឡាករ​ព្រម​ត​កុងត្រា​ថ្មី ឬ​អត់?ប្រភព៖ dailymail

 

ភ្ជាប់ទំនាក់ទំនងជាមួយ CTS SPORT