ក្រុម Liverpool ទិញបានខ្សែបម្រើប្រយុទ្ធម្នាក់មករួមក្រុមហើយគឺ Thiago Alcantara ក្នុងតម្លៃខ្លួន២៥លានផោន ដោយការប្រកាសផ្លូវការនឹងធ្វើឡើងឆាប់ៗនេះ។
ត្បិតតែទិញបានកីឡាករចំណូលថ្មីមកម្នាក់ទៀតមែន ប៉ុន្តែលោក Klopp បានបញ្ជាក់ច្បាស់ហើយថាសមាជិកក្រុមទាំងអស់នឹងមិនមាននរណាម្នាក់ត្រូវចាកចេញនោះទេ។ Wijnaldum ជាកីឡាករម្នាក់ដែលក្រុម FC Barcelona ចង់បាន ប៉ុន្តែបើតាមសម្ដីរបស់លោក Klopp វិញ គឺរូបគេនឹងមិនអាចចាកចេញទៅណាឡើយ ព្រោះក្លឹបត្រូវការប្រើប្រាស់នៅឡើយ។
អ្នកចាត់ការសញ្ជាតិអាល្លឺម៉ង់បាននិយាយថា៖ “ទោះបាន Thiago មកក៏ដោយ ក៏មិនប៉ះពាល់ដល់អនាគតនរណាម្នាក់ដែរ។ គ្មាននរណាចាកចេញទេ។ ខ្ញុំអាចនិយាយបានថាមិនប៉ះពាល់នរណាឡើយ”៕ប្រភព Dailymail
