លោក Setien អតីតអ្នកចាត់ការក្រុម FC Barcelona ទើបតែទទួលបានលិខិតបណ្ដេញចេញជាផ្លូវការនៅថ្ងៃពុធសប្ដាហ៍នេះទេ ខណៈដែលប្រធានក្លឹបនិងក្លឹបបានប្រកាសតាំងពីចប់រដូវកាលភ្លាមៗ។
បន្ទាប់ពីត្រូវក្រុមអ្នកមានបុណ្យថាដេញលោកចេញ គឺអស់ពេលជាច្រើនខែមកហើយ ដែលបុរសវ័យ៦១ឆ្នាំនេះមិនមាននិយាយស្ដីអ្វីទាំងអស់។ យ៉ាងណាមិញ នៅពេលនេះ លោក Setien បានចេញមុខមកបញ្ជាក់ថាលោកទើបទទួលបានលិខិតផ្លូវការពីក្រុម Barcelona កាលពីថ្ងៃពុធនេះទេ។ ដែលនេះមើលទៅ ពិតជាមិនបានឱ្យតម្លៃលោកទាល់តែសោះ។
លោក Setien ថែមទាំងបញ្ជាក់ទៀតថា អាចនឹងរៀបចំតាមផ្លូវច្បាប់ចំពោះការប្រកាសមុនឡើងច្រើនសប្ដាហ៍ មុនពេលផ្ញើលិខិតផ្លូវការមកខ្លួនបែបនេះ។ លោក នឹងផ្ដល់រឿងនេះទៅមេធាវីដើម្បីចាត់ការតាមការគួរ៕ប្រភព៖ MARCA