Dele Alli បានព្យាយាមស្វះស្វែងក្នុងការចង់ផ្ទេរទៅចូលរួមនៅក្លឹប Real Madrid ជាមួយលក្ខខណ្ឌខ្ចីជើង ប៉ុន្តែទីបំផុតអ្នកចាត់ការលោក Zinedine Zidane បានបដិសេធសំណើនេះ។
នោះក៏ដោយសារតែ Alli ធ្លាប់ប្រើពាក្យក្រអឺតក្រទមក្រោយទទួលជ័យជម្នះលើក្លឹប Real Madrid ៣-១ នៅការប្រកួតព្រឹត្តិការណ៍ UEFA Champions League ឆ្នាំ ២០១៧។ នេះបើតាមរបាយការណ៍ពី AS បានចុះផ្សាយ។
កាលនោះ Alli ដែលគេរកបាន ២ គ្រាប់ម្នាក់ឯងក្នុងការប្រកួត បាននិយាយថា៖ “និយាយដោយស្មោះត្រង់ទៅ ខ្ញុំសោកស្តាយណាស់ដែលខ្ញុំមិនអាចយកបានគ្រាប់បាល់ Hat-Trick ព្រោះខ្ញុំទទួលបានឱកាសយ៉ាងងាយនៅចុងម៉ោងពីការបញ្ជូនបាល់ដ៏ល្អរបស់ Kieran Trippier”។
ប្រភពបានឲ្យដឹងថា ពាក្យនេះហើយដែល Zidane ខឹងសម្បានឹង Alli ជាខ្លាំង ហើយសម្រាប់លោកផ្ទាល់លោកមិនគិតថាការរកបាន ២ គ្រាប់របស់កីឡាករអង់គ្លេសជាសាច់បាល់មានគុណភាពពិតប្រាកដនោះទេ ព្រោះមួយគ្រាប់ជាបាល់កៀក Offside និងមួយគ្រាប់ទៀតជាបាល់ Deflection (ឡងកីឡាករមួយទៀតមុនបញ្ចូលទី) តែប៉ុណ្ណោះ៕
ប្រភព៖ SportBible