ប្រធានក្លឹបវ័យក្មេងរបស់ Inter Milan គឺបុរសជនជាតិចិនលោក Steven Zhang បានសង្កត់ធ្ងន់កាលពីពេលកន្លងទៅនេះ ក្លឹបមិនមានគោលបំណងក្នុងការចង់បាន Lionel Messi នៅទីផ្សារដោះដូររដូវក្តៅនេះទេ។
កាលពីប៉ុន្មានសប្តាហ៍មុនផ្ទុះចចាមអារ៉ាមជាខ្លាំង ពាក់ព័ន្ធនឹងការចង់ចាកចេញរបស់ M10 ហើយមានទ្រនំ ៣ ដែលគេសង្ឃឹមខ្ពស់ ដូចជា Inter Milan, Man City និង PSG។
ពាក់ព័ន្ធនឹងរឿងនេះ លោក Zhang និយាយប្រាប់សារព័ត៌មាន Corriere della Sera ថា៖ “Messi? យើងមិនបានសូម្បីតែគិត ដោយវាជាការវិនិយោគដ៏ធំមួយ ដែលមិនស្ថិតក្នុងគម្រោងការណ៍របស់យើងទេ”។
លោកបន្ត៖ “យើងមិនបានសូម្បីតែដាក់គម្រោងលើរឿងហ្នឹង ដោយគោលការណ៍របស់ក្លឹបពេលនេះគឺគំនិតច្នៃប្រឌិត ការធ្វើផែនការណ៍ច្បាស់លាស់ កំណើនថេរ និងភាពនឹងននៃសេដ្ឋកិច្ចក្លឹប ដោយយើងនឹងនាំក្លឹប Inter ឲ្យទៅដល់កម្រិតដ៏ខ្ពស់មួយ”៕
ប្រភព៖ AF