លោក Koeman អ្នកចាត់ការក្រុម FC Barcelona មិនបានរាប់បញ្ចូលឈ្មោះកីឡាករ Luis Suarez និង Arturo Vidal ក្នុងបញ្ជីឈ្មោះសម្រាប់ការប្រកួតមិត្តភាពនោះទេ។
ក្រុមអ្នកមានបុណ្យ FC Barcelona នឹងត្រូវប្រកួតមិត្តភាពជាមួយក្រុម Girona ដើម្បីជាការសាកកម្លាំងជើងមុនចូលលេងលីគ La Liga វិញ។ យ៉ាងណាមិញ ក្នុងបញ្ជីឈ្មោះកីឡាករដែលត្រូវលេងនោះ គេសង្កេតឃើញមានយុវជនចូលរួម ប៉ុន្តែបែរជាមិនមានវត្តមានកីឡាករចាស់ដូចជា Suarez និង Vidal នោះទេ។ កីឡាករទាំងពីរនាក់នេះ ត្រូវបានលោក Koeman ដែលជាអ្នកចាត់ការក្រុមប្រាប់ឱ្យរកក្លឹបថ្មីលេងទៅហើយ។
នេះជាលើកទី២ហើយ ដែល Suarez និង Vidal មិនមានឈ្មោះដើម្បីលេងឬក្នុងបញ្ជីរបស់លោក Koeman ឡើយ។ ដោយបច្ចុប្បន្ននេះ ពួកគេទាំងពីរនាក់កំពុងស្វះស្វែងរកក្លឹបថ្មីហើយ ប៉ុន្តែមិនទាន់ត្រូវក្លឹបណាមួយនោះទេ។ Suarez ចរចាទៅ Juventus និង Vidal ទៅលេងនៅ Inter Milan ៕ប្រភព៖ MARCA