ក្រុម Aston Villa ទិញបានអ្នកចាំទី Emiliano Martinez ពីក្រុមកាំភ្លើងធំ Arsenal ហើយ ក្នុងតម្លៃខ្លួន១៦លានផោន កុងត្រារយៈពេល៤ឆ្នាំ។
Martinez អ្នកចាំទីដែលចូលរួមជាមួយក្រុម Arsenal តាំងពីឆ្នាំ២០១២មកម្ល៉េះ។ ក្រោយចំណាយពេលជាច្រើនទាំងត្រូវគេខ្ចីជើងផង និងអង្គុយកៅអីបម្រុងផង កាលពីរដូវកាលមុននេះ រូបគេអាចបង្ហាញខ្លួនឱ្យកាំភ្លើងធំហើយ។ ក្រោយពីបង្ហាញសមត្ថភាពល្អនេះហើយ ទើបបានជាក្រុម Aston Villa ចាប់អារម្មណ៍តែម្ដង។ ជាចុងក្រោយពួកគេទិញយកបានក្នុងតម្លៃខ្លួន១៦លានផោន ដោយចុះកុងត្រារយៈ ពេល៤ឆ្នាំ។
ចុះកុងត្រាបានអ្នកចាំទីម្នាក់នេះទៀត បានធ្វើឱ្យក្រុម Aston Villa ចំណាយប្រាក់ដល់ទៅ៦៥លានផោនទៅហើយ ក្នុងការដោះដូរកីឡាករកន្លងទៅនេះ។ ការចំណាយប្រាក់ច្រើននេះដែរ គឺដើម្បីធានាឱ្យបានកៅអីក្នុងលីគកំពូលអង់គ្លេសទៀត ខណៈដែលរដូវកាលកន្លងទៅនោះ ពួកគេសឹងតែធ្លាក់ទៅលេងនៅក្របខណ្ឌទី២ទៀតទៅហើយ៕ប្រភព៖ Daiymail
