ទីបំផុតគណៈកម្មការវាយតម្លៃរបស់បាល់ទាត់បារាំង បានសម្រេចការដាក់ពិន័យលើកីឡាករដែលប៉ះទង្គិចគ្នានៅប្រកួតរវាង PSG-Marseille កាលពីថ្ងៃមុនហើយ។
ក្នុងនោះ Neymar រងការព្យួរឈ្មោះមិនឲ្យចូលរួមការប្រកួតចំនួន ២ ប្រកួត ពោលគឺត្រូវខកខានពេលប៉ះ Metz នៅយប់មិញ និងមួយទៀតនៅចុងសប្តាហ៍ពេលប៉ះ Nice។ ដោយឡែកសម្រាប់ Alvaro Gonzalez ដែលត្រូវបាន Neymar ចោទថា ហៅខ្លួនអាកូនស្វា និងបានរើសអើងជាតិសាសន៍មិនមានការដាក់ពិន័យអ្វីនោះទេ។
កីឡាកររបស់ PSG ឯទៀតមានដូចជា Leandro Paredes ក៏ព្យួរឈ្មោះ ២ ប្រកួត ហើយ Layvin Kurzawa ព្យួរដល់ ៦ ប្រកួត។ រីឯកីឡាកររបស់ Marseille មាន Jordan Amavi ព្យួរ ៣ ប្រកួត និង Dario Benedetto ព្យួរ ១ ប្រកួត៕ ប្រភព៖ Marca