ក្លឹប Barcelona នឹងចាប់ផ្តើមបើកការប្រកួតជុំដំបូងរបស់ខ្លួនទល់ Villarreal នៅឯកីឡដ្ឋាន Camp Nou នាថ្ងៃទី ២៧ កញ្ញា ប៉ុន្តែសម្រាប់អ្នកចាត់ការលោក Ronald Koeman គឺមិនត្រូវបានអនុញ្ញាតឲ្យដឹកនាំការប្រកួតនោះឡើយ។
ត្បិតបើលោកបានមកជំនួស Quique Setien និងឆ្លងកាត់ការប្រកួតមិត្តភាពចំនួន ២ លើកហើយក្តី ប៉ុន្តែបុរសសញ្ជាតិហូឡង់មិនទាន់សម្រេចការចាត់តាំងផ្លូវការពីសហព័ន្ធបាល់ទាត់អេស្ប៉ាញហៅកាត់ RFEF នៅឡើយ។
តាមរបាយការណ៍ពី El Patridazo de COPE ចុះផ្សាយថា ភាគីខាងគ្រូចាស់លោក Setien និងក្លឹប Barcelona មិនទាន់ព្រមព្រៀងលើប្រាក់បង់ផ្តាច់ក្នុងការដកតំណែងរបស់គ្រូចាស់ បែបនេះមានន័យថា សហព័ន្ធបាល់ទាត់អេស្ប៉ាញ EFEF មិនអាចចុះហត្ថលេខាប្រកាសចាត់តាំង Koeman ជាផ្លូវការបានទេក្នុងពេលបច្ចុប្បន្ននេះ៕
ប្រភព៖ Marca