ខ្សែប្រយុទ្ធ Jack Grealish បានបន្ដកុងត្រាដល់ទៅ៥ឆ្នាំទៀតជាមួយក្រុម Aston Villa ដោយទទួលបានតម្លៃពលកម្មដល់ទៅ ១៣៥ ០០០ផោនឯណោះក្នុង១សប្ដាហ៍។
Jack ជាកីឡាករដែលត្រូវបានក្រុម Man Utd ចង់បាន ប៉ុន្តែបច្ចុប្បន្ននេះរូបគេបានបន្ដកុងត្រាថ្មីនៅក្លឹប Aston ទៅហើយ ដោយទទួលបានការតំឡើងតម្លៃពលកម្ម ៥៥ ០០០ផោនក្នុង១សប្ដាហ៍ បើធៀបជាមួយកុងត្រាចាស់។ កីឡាករវ័យ២៥ឆ្នាំនេះ គឺជាអ្នករកបាន១គ្រាប់ នៅប្រកួតចុងក្រោយដែលជួយក្រុម Aston អាចបន្ដកៅអីនៅ Premier League ទៀតបានរដូវកាលនេះ។
រំលឹកថាការបន្ដកុងត្រាដល់ទៅ៥ឆ្នាំទៀតនេះ នឹងធ្វើឱ្យ Jack មានតម្លៃខ្លួនកាន់តែខ្ពស់។ ក្រុម Aston នឹងមិននិយាយអ្វីឡើយ ប្រសិនណាបើក្លឹបដែលចង់បាននោះ មិនហានដល់តម្លៃ៨០លានផោនទេនោះ៕ប្រភព Dailymail
