Memphis Depay ដែលល្ហៀងៗថាកៀកនឹងការផ្ទេរមកចូលរួមនៅក្លឹបថ្មី Barcelona ស្រាប់តែត្រូវបានប្រធានក្លឹប Lyon និយាយកាត់នៅថ្ងៃនេះ រុញឲ្យភាគរយនៃការមកដល់ហាក់ធ្លាក់ចុះទៅវិញ។
ប្រធានក្លឹបបារាំង លោក Jean-Michel Aulas បានទម្លាយថា Barcelona មិនមានលទ្ធភាពក្នុងការចំណាយលើ Depay បានឡើយ ដោយសារវិបត្តិសេដ្ឋកិច្ចកំឡុងជំងឺ COVID-19។
ឆ្លើយតបនៅលើ Twitter លោក Aulas និយាយ៖ “ប្រធានក្លឹប Barcelona គេបានប្រាប់ខ្ញុំកាលពីថ្ងៃអាទិត្យ ថាក្លឹបរបស់គេរងផលប៉ះពាល់ធ្ងន់ធ្ងរដោយសារ COVID-19 អ៊ីចឹងមិនអាចដាក់សំណើទៅបាននោះឡើយ”។
គួរបញ្ជាក់ថា កីឡាករវ័យ ២៦ ឆ្នាំមានទំនាក់ទំនងយ៉ាងស្អិតរមួតជាមួយគ្រូបច្ចុប្បន្នលោក Ronald Koeman នៅឯក្លឹប Barcelona។ រដូវកាល ២០១៩/២០ គេរកបាន ១៥ គ្រាប់និង Assist ២ លើក នៅ ២២ ប្រកួតសរុប៕
ប្រភព៖ AF