តាមរបាយការណ៍ពី Gazzetaa dello Sport បានចុះផ្សាយនូវទិន្នន័យនៃល្បឿនលើទីលានរបស់កីឡាករកំពូលៗសម្រាប់ឆ្នាំ ២០២០។
ប្រភពបានបង្ហាញឈ្មោះកីឡាករ ៦ រូប ដែលមាន ៥ រូបស្ថិតនៅវ័យក្មេងចន្លោះអាយុ ១៩ ឆ្នាំទៅ ២៤ ឆ្នាំ ហើយមានតែម្នាក់គត់ដែលវ័យជ្រេចូល ៣៥ ឆ្នាំ នោះគឺ Cristiano Ronaldo។ យើងធ្វើការបង្ហាញស្ថិតិល្បឿនអតិបរមារបស់អ្នកទាំង ៦ ដូចតទៅ៖
6.Cristiano Ronaldo ល្បឿន ៣៤,៦០ គ.ម/ម៉
5.Erling Haaland ល្បឿន ៣៦,០៤ គ.ម/ម៉
4.Kylian Mbappe ល្បឿន ៣៦,០៤ គ.ម/ម៉
3.Adama Traore ល្បឿន ៣៦,២១ គ.ម/ម៉
2.Achraf Hakimi ល្បឿន ៣៦,៤៨ គ.ម/ម៉
1.Alphonso Davies ល្បឿន ៣៦,៥១ គ.ម/ម៉
បញ្ជាក់ថា យុវជនវ័យ ១៩ ឆ្នាំ លេងឲ្យ Bayern Munich គឺ Alphonso Davies បានបំបែកកំណត់ត្រាការប្រើល្បឿនលឿនបំផុតសម្រាប់ឆ្នាំ ២០២០ នៅឯប្រកួតទល់ Borussia Dortmund ដោយគ្រានោះគឺ Haaland មានឱកាសទទួលយកបាល់ដាច់មាត់ ហើយប្រើបច្ចេកទេសអូសដាច់កីឡាករ ២ រូបបាត់ទៅហើយ ប៉ុន្តែរឿងដែលមិនគួរឲ្យជឿ គឺ Davies ស្រាប់តែប្រើល្បឿនដ៏លឿនរត់ពីពាក់កណ្តាលតារាងមកកាត់យកបាល់របស់ខ្សែប្រយុទ្ធន័រវេសមិនឲ្យសម្រេចទីទាល់តែបាន៕
ប្រភព៖ Twitter