ខ្សែការពារ Varane បានបញ្ជាក់ថាការបង្កកំហុស២លើករបស់ខ្លួនទល់ក្រុម Manchester City នៅតែជារឿងមួយដែលខ្លួនមិនអាចបំភ្លេចបាននោះទេ។
ក្រុម Real Madrid បានប្រកួតចាញ់ក្រុម Man City នៅវគ្គ១៦ក្រុមចុងក្រោយ ធ្លាក់ចេញពីពានរង្វាន់ UEFA Champions League កាលពីរដូវកាលមុននោះ។ បរាជ័យនោះដែរ គឺកើតចេញពីការធ្វើឱ្យមានកំហុសរបស់ខ្សែការពារ Varane ២ដង ដែលឱ្យកីឡាករក្រុម Man City ឆក់ឱកាសបានស្វែងរកគ្រាប់បាល់ជ័យជម្នះតែម្ដង។
ចំពោះកំហុសនោះដែរ Varane បានបញ្ជាក់ថាខ្លួនគេនៅតែចង់ចាំជានិច្ច ហើយវានឹងក្លាយជារឿងដែលមិនអាចបំភ្លេចងាយៗបានឡើយ។ កីឡាករបារាំងរូបនេះ បាននិយាយថា៖ “វាជាការប្រកួតដែលពិបាកសម្រាប់ខ្ញុំ។ វានៅតែរំលឹកខ្ញុំជានិច្ច”៕ប្រភព Goal