ខ្សែប្រយុទ្ធ Luis Suarez នឹងអង្គុយកៅអីបម្រុងពេញ១រដូវកាលតែម្ដង ប្រសិនបើរូបគេនៅតែចង់បន្ដលេងឱ្យក្រុម FC Barcelona ក្នុងកុងត្រាដែលនៅសល់១រដូវកាលទៀតនោះ។
លោក Ronald Koeman បានប្រាប់ទៅកីឡាករអ៊ុយរុយហ្គាយឱ្យរកក្លឹបថ្មីលេងទៅ នារដូវកាលក្រោយនេះ ដោយសារតែរូបគេមិនបានស្ថិតនៅក្នុងបញ្ជីឈ្មោះកីឡាករត្រូវប្រើប្រាស់នោះទេ។ តែសាមីខ្លួនវិញ កុងត្រាដែលនៅសល់១រដូវកាលទៀតនោះ គឺរូបគេមិនចង់ទៅណាឡើយ ដោយចង់បន្ដប្រឹងប្រែងដើម្បីលេងឱ្យក្រុមអ្នកមានបុណ្យរហូតដល់អស់កុងត្រា។
ដោយបច្ចុប្បន្ននេះ កាលពីប្រកួតមិត្តភាពកន្លងទៅ លោក Koeman ក៏មិនបានដាក់ Suarez ក្នុងបញ្ជីឈ្មោះឬឱ្យលេងដែរ។ នេះសបញ្ជាក់ថាបើទោះជាអតីតកីឡាករ Liverpool រូបនេះចង់បន្ដនៅទៀត នោះរូបគេនឹងត្រូវអង្គុយកៅអីបម្រុងពេញ១រដូវកាលឬមានឈ្មោះខ្លះ អត់ខ្លះមិនខាន៕ប្រភព Dailymail