ក្លឹប FC Barcelona ចង់ទិញអ្នកចាំទី Simon Mignolet ដើម្បីធ្វើជាដៃទី២របស់ខ្លួននៅរដូវកាលក្រោយ បន្ទាប់ពី Jasper Cillessen ចង់ចាកចេញ។
Mignolet បានចូលរួមជាមួយ Liverpool នៅឆ្នាំ២០១៣ និងបានក្លាយជាអ្នកចាំទីដៃទី១ក្នុងក្លឹបនេះផងប៉ុន្មានរដូវកាលផងដែរ។ យ៉ាងណាមិញ ក្រោយពីធ្លាក់ទឹកដី រូបគេបានធ្លាក់ក្លាយជាអ្នកចាំទីដៃទី២វិញ ក្រោយវត្តមានរបស់ Loris Karius ។ បន្ទាប់មកទៀត ក្រុមហង្សក្រហមរដូវកាលនេះក៏បានទិញអ្នកចាំទីថ្មីម្នាក់ទៀត Alisson ក្នុងតម្លៃខ្លួន៦៥លានផោន ធ្វើជាអ្នកចាំទីដៃទី១របស់ពួកគេ។ ដូច្នេះហើយ Mignolet អាចនឹងធ្លាក់ដល់ដៃទី៣ក្នុងក្រុមទៅហើយ។
ដូច្នេះហើយ ទើបបានជាក្រុម FC Barcelona មើលឃើញនិងចង់បានរូបគេទៅលេងឱ្យ។ ក្លឹបនៅអេស្ប៉ាញនេះ បានដាក់តម្លៃខ្លួនរូបគេដល់១២លានផោន ដើម្បីឱ្យក្លឹប Liverpool ព្រមលក់។ ប្រសិនបើទិញបានមែន នោះក្លឹប FC Barcelona នឹងអនុញ្ញាតឱ្យអ្នកចាំទី Cillessen ចាកចេញហើយ ព្រោះសាមីខ្លួនចង់ចាកចេញទៅរកក្លឹបមួយអាចបានលេងច្រើនប្រកួត៕ប្រភព៖ DailyMail