ជំនួបបរាជ័យដែល Marseille បានយកឈ្នះ ១-០ ទៅលើក្លឹប PSG ក៏បានបន្សល់រឿងរ៉ាវឈឺចាប់មួយចំនួននៅលើទីលានប្រកួត នោះគឺការប៉ះទង្គិចគ្នាយ៉ាងខ្លាំងរវាងក្រុមទាំងពីរ។
ខ្សែប្រយុទ្ធស្លាបប្រេស៊ីលរងពិន័យកាតក្រហមចុងម៉ោង ដែលស្ថិតក្នុងចំណោមកីឡាករ ៥ រូបត្រូវបានអាជ្ញាកណ្ដាលបណ្ដេញចេញពីការប្រកួត នៅឯកីឡដ្ឋាន Parc des Princes នៅយប់ថ្ងៃអាទិត្យកន្លងទៅនេះ។
Neymar បានប៉ះទង្គិចជាមួយ Alvaro ដល់ថ្នាក់យកដៃទៅទះក្បាលខ្សែការពារសញ្ជាតិអេស្ប៉ាញរូបនេះ ក្រោមហេតុផលដែលបានលើកឡើងដដែលៗ គឺចោទថា Alvaro ប្រើពាក្យរើសអើងជាតិសាសន៍ខ្លួន និងហៅខ្លួនថាជា “អាកូនស្វា” ថែមទៀត។
ទស្សនាវីដេអូខាងក្រោម៖
https://twitter.com/i/status/1305255624381530120
ប៉ុន្តែក្រោយចប់ការប្រកួត Neymar បែរជាបង្ហោះសារលើ Twitter ដោយដុតកម្តៅឲ្យឆេះបន្ថែមទៀតលើរឿងនេះ តាមរយៈសារដែលសរសេរថា៖ “អ្វីដែលខ្ញុំសោកស្ដាយបំផុត គឺមិនបានដាល់ចូលមុខអាមនុស្សចង្រៃនោះ”៕
ប្រភព៖ Sportskeeda